«ՏԵՎԱ»-ն տոնական երեկո նվիրեց բժիշկներին

Աշխարհահռչակ «ՏԵՎԱ» դեղագործական ընկերության հայաստանյան ներկայացուցչությունը տարեվերջյան երեկույթ կազմակերպեց բժիշկների համար՝ նախատոնական տրամադրություններով, անակնկալներով լի համերգային ծրագրով:

Գեներիկ դեղամիջոցների համաշխարհային լիդերը՝  իսրայելական «ՏԵՎԱ» ընկերությունը, մեծապես կարևորում է հայաստանյան շուկայում իր գործունեությունը: «ՏԵՎԱ»-ի հայաստանյան ներկայացուցչության կոմերցիոն տնօրեն Տաթևիկ Երիցյանի խոսքով՝ նմանատիպ հավաքույթները լավ առիթ են գործունեության հաջող արդյունքներն ամփոփելու, գործընկեր բժիշկներին շնորհակալ լինելու համար:

–   Տաթևիկ, շատ գեղեցիկ հանդիպում եք կազմակերպել: Ո՞րն է գլխավոր նպատակը:

–   Այսօրվա միջոցառման նպատակն է մեր շատ սիրելի, հարգելի բժիշկների հետ հավաքվելը, տարին եզրափակելը: Մեզ հյուր են բժիշկներ, ովքեր տարվա ընթացքում աշխատել են մեզ հետ, միշտ եղել մեր կողքին: Իսկ հիմա փորձում ենք իրենց նվիրել մի փոքրիկ, ուրախ երեկո:

–   Երեկույթի ծրագիրը կարծես թե հիմնականում համերգային է: «ՏԵՎԱ»-ի գործունեության մասին պատմող ներկայացումներ է՞լ եք պատրաստել:

–   Հիմնականում լինելու է ուրախ ծրագիր՝  խաղեր, երգ ու պար: Վայելելու ենք երեկոն: «ՏԵՎԱ»-ի գործունեության մասին պատմող ներկայացումներ ցուցադրելու անհրաժեշտություն այսօր չկա: Տարվա ընթացքում մենք հասցնում ենք բավականաչափ նորություններ ներկայացնել բժիշկներին մեր ակտիվ համագործակցության շրջանակներում: Իսկ այսօր հավաքվել ենք՝ պարզապես շփվելու, ուրախանալու:

–   Ինչպիսի՞ն էր անցնող տարին ձեզ համար:

–   Մի կողմից՝ անսպասելի. կազմակերպչական որոշ խնդիրներ ունեցանք տարվա սկզբին և ռեալ սկսեցինք աշխատել միայն ապրիլից, մյուս կողմից՝ շատ հաջող տարի էր՝ հաշվի առնելով տարեվերջյան մեր արդյունքները, ուստի հանգիստ սրտով մեզ թույլ ենք տալիս նման երեկո ունենալ:

–   Ո՞րն էր 2013-ի ամենամեծ ձեռքբերումը:

–   Վերաբացվելուց հետո մեզ միացավ ևս մեկ ընկերություն: Նոր դեղեր, նոր բժիշկներ, աշխատելու համար նոր ոլորտ. այս ամենը մենք հաջողությամբ իրականացրեցինք:

–   Գալիք տարվանից ի՞նչ ակնկալիքներ ունեք:

–   Կուզեմ՝ այն լինի գոնե այնպիսին, ինչպիսին 2013-ն էր: Նոր տարում մեզ սպասում են աշխատանքներ նոր ոլորտնորում:

Մեզ հետ զրույցներում երեկույթին ներկա բժիշկները կիսվեցին տպավորություններով, պատմեցին «ՏԵՎԱ»-ի հետ համագործակցության իրենց փորձից, ամանորյա մաղթանքներ հղեցին:

Արմեն Անանյան, հոգեբույժ

–   Շատ լավ տպավորություն եմ միշտ ունեցել «ՏԵՎԱ»-ից, այս ջերմ մթնոլորտում ավելի ամրացավ: Մեր ոլորտում լայնորեն օգտագործվում է դեղագործական այս ընկերության արտադրանքը: «ՏԵՎԱ»-ին մաղթում եմ, որ շարունակի իր լավ գործը՝ նպաստելով մեր ժողովրդի առողջությանը:

Բժիշկներին ցանկանում եմ հաջողություններ նոր տարում, բոլորիս մաղթում եմ խաղաղություն, առողջություն, բարեկեցություն:

Տատյանա Ստեփանյան, նյարդաբան

–   «ՏԵՎԱ»-ի հետ երկար տարիներ եմ համագործակցում, շատ լավ տպավորություններ ունեմ, մանավանդ որ նյարդաբանության մեջ մեծ հաջողությամբ կիրառվող դեղորայք ունեն: «ՏԵՎԱ»-ն շատ վստահելի գործընկեր է: Ուրախ եմ, սպասում եմ անակնկալների:

Մեզ այսպիսի հանդիպումներն ավելի մտերիմ են դարձնում: Բոլորս էլ ունենք և՛ աշխատանք կատարելու պարտավորություն, և՛ հանգստանալու իրավունք:

Գևորգ Բոյաջյան, մանկաբույժ

–   «ՏԵՎԱ»-ի հետ համագործակցությունը շատ հետաքրքիր է սկսվել: Դա եղավ 2010 թվականին: Դեղագործական ընկերությունները մեզ հետ հանդիպելիս սովորաբար մեկ նպատակ ունեն՝ իրենց դեղորայքի վաճառքն ավելացնել: Երբ եկան, ներկայացրեցին «ՏԵՎԱ»-ի դեղամիջոցը, որի մասին վաղուց շատ լավ գիտեի, ասացի՝ չեմ նշանակի դեղը: Ներկայացուցիչը մի պահ զարմացավ, թե ինչ կտրուկ պատասխան եմ տալիս, ապա հարցրեց. «Ինչո՞ւ»:  Պատասխանեցի. «Որովհետև ձեր դեղը ես շատ- շատ եմ սիրում, այն իմ ոսկե ֆոնդում է, որն աջուձախ չեմ օգտագործում»: Հանդիպման վերջում նա ինձ հրավիրեց կոնֆերանսի. փաստորեն, պատասխանս գոհացրել էր : Այդ պահից սկսվեց իմ ջերմ համագործակցությունը «ՏԵՎԱ»-ի հետ: Ուզում եմ գովել իրենց արտադրանքը, որն, իսկապես, շատ որակյալ է:

Իսկ այսօրվա երեկոն շատ լավ առիթ էր՝ հանդիպելու հին ընկերներին, հիշողություններով, նորություններով փոխանակվելու:

Հարցեր, պատասխաններ, մեկնաբանություններ